Chintwin Community

Home

Articles

Photo Gallery

News Categories

Contact Me

Main Menu

Home

Articles

Photo Gallery

Contact Me

Users Online

Guests Online: 2
No Members Online

Registered Members: 450

Newest Member: thingiwin

What is viral today?

Friend sites

Site Status

Registered Members: 450
Comments: 1652
Shoutbox Posts:3327
Forum Posts: 4231
Total Photos: 332

အာဇာနည်တို့ရဲ့ ခြေရာ (စာဖတ်ခြင်းရဲ့ကျေးဇူး)

မှတ်မှတ်ရရပါပဲ။ သူ အမေရိကန်ပြည်ထောင်စုကို ရောက်ရှိတာ (၇)လတိတိ ပြည့်တဲ့နေ့မှာ အမေရိကန်နိုင်ငံရဲ့ အထင်ရှားဆုံးသမ္မတကြီးတွေထဲက တစ်ယောက်ဖြစ်တဲ့ အေဗရာဟင်လင်ကွန်းရဲ့ ဇာတိချက်ကြွေ မွေးရပ်မြေကို ရောက်ခွင့်ကြုံခဲ့ပါတယ်။ ခရစ်စမတ် အလုပ်အားရပ်တဲ့နေ့မှာ သူငယ်ချင်းဖြစ်သူ ကိုမိုးထက်အောင်က သူ့ရဲ့စီးတော်ယဉ်လေးနဲ့ လိုက်ပို့ပေးလို့ ရောက်ခွင့်ကြုံခဲ့ရတာပါ။ သမ္မတကြီးရဲ့ မွေးရပ်မြေ၊ သမ္မတကြီးရဲ့ ပြတိုက်၊ သမ္မတကြီး ကလေးဘ၀တုန်းက အချစ်တော်ခွေးကလေးနဲ့ သစ်ငုတ်တိုပေါ်ထိုင်ပြီး စာဖတ်နေတဲ့ပုံ။ တကယ်ဆို သမ္မတကြီးလင်ကွန်းရဲ့ ပြတိုက်ကို ဒါပထမဆုံး ရောက်ခဲ့တာ မဟုတ်ပါဘူး။ သူ အမေရိကားကို စ ရောက်တဲ့ တစ်လအတွင်းမှာပဲ ၀ါရှင်တန်ဒီစီလို့ ခေါ်တဲ့ အမေရိကားရဲ့ နေပြည်တော်ကို ရောက်တုန်းကလည်း လင်ကွန်းပြတိုက်ကို ရောက်ဖြစ်ပါသေးတယ်။ အဲဒါကတော့ ၀ါရှင်တန်ဒီစီက ပြတိုက်ပါ။ အခုကတော့ သမ္မတကြီးရဲ့ ဇာတိချက်ကြွေ မွေးရပ်မြေမှာ ရှိတဲ့ ပြတိုက်ပါ။

(၁)

သမ္မတကြီးလင်ကွန်းလို့ ပြောလိုက်ရင် အမေရိကားမှာ ရှိတဲ့ ကျောင်းနေရွယ်ကလေးငယ်တိုင်းလိုလို သိကြပါတယ်။ ဘာကြောင့် ဒီလိုပြောရဲတာလဲဆိုတော့ သူ သိခဲ့ဖူးတဲ့ ကလေးတစ်ယောက်ကို သမ္မတကြီးရဲ့ ပုံပြပြီး မေးခဲ့ဖူးတယ်။ “ဒါ ဘယ်သူလဲ”ဆိုတော့ ”သားတို့ သမ္မတကြီးလေ”တဲ့။ အသက် ဆယ်နှစ်တောင်မပြည့်သေးတဲ့ ကလေးတစ်ယောက်ရဲ့ အဖြေပါ။ ပြီးတော့ ဗိုလ်ချုပ်အောင်ဆန်းရဲ့ပုံကို ပြပြီး ”ဒါကရော”ဆိုတော့ နည်းနည်းလေးစဉ်းစားပြီး ဗမာလို တစ်လုံးချင်း ပြောပြပါတယ်။ ”ဗိုလ် ..ချုပ်..အောင်…..ဆန်း”တဲ့။ ၀မ်းသာလိုက်တာ။ တကယ့်ကို ၀မ်းသာလုံးစို့ခဲ့ရတာပါ။ ပြီးတော့ ကလေးရဲ့မိဘတွေကိုလည်း ကျေးဇူးတင်လိုက်တာ၊ ဗိုလ်ချုပ်အကြောင်း ပြောပြထားလို့လေ။ အမေရိကားမှာ မွေး အမေရိကားမှာ ကြီးပြင်းခဲ့တဲ့ကလေးတစ်ယောက်ဟာ မြန်မာပြည်ရဲ့ လွတ်လပ်ရေး ဗိသုကာကြီး ဗိုလ်ချုပ်အောင်ဆန်းကို (ဗမာလို ပြောကျင့်မရှိလို့ စဉ်းစားပြောနေရတာက လွဲလို့) သိနေတာဟာ တကယ့်ကို သူ့ရင်ထဲ ကြေကွဲမှုတစ်ဝက်၊ ၀မ်းသာမှုတစ်ဝက်နဲ့ ဆို့နင့်ခဲ့ရတဲ့အဖြစ်အပြက်လေးပါ။

(၂)

ဆိုတော့။ သမ္မတကြီးလင်ကွန်းဟာ အမေရိကန်နိုင်ငံရဲ့ အမည်းစက်ကြီးဖြစ်နေတဲ့ ကျွန်စနစ်ကို ဖျက်သိမ်းပေးခဲ့သူဖြစ်သလိုပဲ ဗိုလ်ချုပ်အောင်ဆန်းဟာလည်း ကျွန်ဖြစ်နေတဲ့ နိုင်ငံကြီးကို ကယ်တင်ပေးခဲ့တဲ့ ခေါင်းဆောင်ကြီးတစ်ဦးလည်း ဖြစ်ပါတယ်။ ထားပါတော့။ သမ္မတကြီးလင်ကွန်းအကြောင်းကို ဆက်ပါရစေ။ သမ္မတကြီးလင်ကွန်းဟာ အမေရိကန်ပြည်သူတွေတင်မက ကမ္ဘာ့ပြည်သူတွေပါ သိကြတဲ့ ထင်ရှားတဲ့ခေါင်းဆောင်ကြီးတစ်ဦးပါ။ မြန်မာနိုင်ငံမှာဆို ဆရာတက်တိုးစတဲ့ စာရေးဆရာကြီးတွေကိုယ်တိုင် သမ္မတကြီးလင်ကွန်းအကြောင်းရေးထားတဲ့ ဘာသာပြန်ရော၊ မပြန်တာရော ရေးထားတဲ့ စာအုပ်တွေ အများကြီးပါ။ အဲဒီမှာ သမ္မတကြီးအကြောင်း စုံစုံလင်လင်ဖတ်ရှုလို့ရပါတယ်။ သူ့အနေနဲ့တော့ ဒီမှာ ထပ်မပြောတော့ပါဘူး။ ထပ်ပြောနေရင်လည်း သမ္မတကြီးရဲ့ဂုဏ်တွေ မှေးမှိန်သွားမှာစိုးလို့ပါ။

သမ္မတကြီးဟာ ၁၈၀၉ ခုနှစ်မှာ Hardin County, Kentucky မှာ မွေးဖွားပြီး ၁၈၆၁ ခုနှစ်ကနေ ၁၈၆၅ နှစ်အထိ အမေရိကန်သမ္မတတာဝန်ကို ထမ်းဆောင်ခဲ့တဲ့ အမေရိကန်နိုင်ငံရဲ့ (၁၆)ယောက်မြောက် သမ္မတဖြစ်ပါတယ်။ ဧပြီလ (၁၄)ရက်၊ ၁၈၆၅ ခုနှစ်မှာ သေနတ်နဲ့ပစ် လုပ်ကြံခံရလို့ ကွယ်လွန်ခဲ့ရပါတယ်။ တကယ်တော့ သမ္မတကြီးအကြောင်းဟာ လယ်သမားမိသားစုက မွေးဖွားခဲ့တာဖြစ်သလို ကျောင်းပညာရေးဆိုတာလည်း ငယ်ငယ်ရွယ်ရွယ်နဲ့ သင်ယူတတ်မြောက်ခဲ့ရသူမဟုတ်ပါဘူး။ လူပျိုပေါက်အရွယ်ရောက်မှ စာ စသင်ခွင့်ရခဲ့တဲ့သူပါ။ ဆယ်နှစ်သားအရွယ်မှာ အမေဆုံးပါးခဲ့ရသေးတယ်။ ပြီးတော့ သမ္မတဖြစ်အောင် လှုပ်ရှားခဲ့ရတာလည်း ကြည့်ပါဦး။ အသက်လေးဆယ်လောက်ရောက်မှာ နိုင်ငံရေးလောကမှာ အရှုံးနဲ့ စတင် ခဲ့ရတယ်။ ပြိုင်ခဲ့တဲ့အမတ်ရွေးကောက်ပွဲတွေမှာ မနည်းမနော အရှုံးတွေနဲ့ ရင်ဆိုင်ခဲ့ရတဲ့သူ။ သာမာန်လူတွေဆိုရင် နောက်ဆုတ်အရှုံးပေးပြီး ကိုယ့်ရပ်ကိုယ့်ရွာပြန် နွားကျောင်းနေမလား၊ လယ်ယာလုပ်နေမလားဘဲ။ အခုတော့ သမ္မတကြီးဟာ အရှုံးပေးတယ်ဆိုတာကို ကျောခိုင်းပြီး သမ္မတရာထူးထိ လယ်တောထဲကနေ ထွက်ပြီး လှမ်းတက်ပြနိုင်ခဲ့တဲ့သူရယ်ပါ။

(၃)

သမ္မတကြီးရဲ့ ချက်မြုပ်ရာ သမ္မတကြီးကို မွေးခဲ့တဲ့ လယ်သမားအိမ်(သစ်လုံးအိမ်)လေးဆီကို သူတို့နှစ်ယောက် ကားလေးနဲ့ မောင်းဝင်လိုက်တယ်ဆိုရင်ဘဲ ရင်ထဲမှာ နတ်မောက်မြို့ကို မျက်စိထဲ မြင်ယောင်မိလိုက်ပါတယ်။ ”တို့တတွေရဲ့ ဗိုလ်ချုပ်အိမ်ကလေးကကော ဘယ်လိုလဲ”ဆိုတဲ့ စိတ်ကူးလေးနဲ့ပါ။ သူငယ်ချင်းကတော့ ပြောပါတယ်။ ဒီပြည်နယ်ကို လာရကျိုးနပ်ပြီဗျာ၊ သမ္မတကြီးရဲ့ ဇာတိမြေကို ရောက်ခွင့်ရလို့တဲ့။ သူ့ရင်ထဲမှာလည်း သည်အတိုင်းပါပဲ။ ဒါပေမယ့် ၀မ်းသာရပေမယ့် ကြေကွဲမှုက နောက်ဆက်တွဲလိုက်ပါလာပါတယ်။ ဗိုလ်ချုပ်အိမ်လေးဆီ ငါမရောက်ဘူးသေးပါလားဆိုတဲ့ ထိခိုက်ရတဲ့စိတ်ကလေးနဲ့ပါ။ ဗိုလ်ချုပ်မွေးတဲ့နေရာ မရောက်ဘူးသေးဘူးဆိုရင် မြန်မာပြည်မှာ မွေးရကျိုးနပ်ခဲ့ပြီလားဆိုတဲ့ ဆက်စပ်အတွေးကလေးက ၀င်ရောက်လာပြန်ပါတယ်။

တကယ့်ကိုပဲ သမ္မတကြီးရဲ့ မွေးရပ်မြေကို သူတို့တတွေ ထိန်းသိမ်းထားတာဟာ အတုယူစရာပါ။ သမ္မတကြီးမွေးတဲ့အိမ်၊ သမ္မတကြီးကလေးဘ၀ ကစားပျော်မြူးခဲ့တဲ့အိမ်၊ ပြီးတော့ တကယ့်ကို သမ္မတကြီးရဲ့အိမ် ပတ်ဝန်းကျင်တော်အုပ်ကိုလည်း ထိမ်းသိန်းစောင့်ရှောက်ထားတာဟာ သိပ်အားကျအတုယူစရာပါပဲ။ အဲဒီကအပြန် သမ္မတကြီး ကလေးဘ၀တုန်းက သူ့အချစ်တော်ခွေးကလေးနဲ့ သစ်ငုတ်တိုပေါ်ထိုင် စာဖတ်နေတဲ့ရုပ်တုလေးနဲ့ ဓာတ်ပုံရိုက်တော့ စာဖတ်ခြင်းဟာ လူကိုပြည့်ဝစေတယ်ဆိုတဲ့ အဆိုလေးကို သွားသတိရလိုက်ပါတယ်။ စာဖတ်နာခဲ့တဲ့ လင်ကွန်း၊ အတန်းကျောင်းနေတာ နောက်ကျခဲ့ပေမယ့် စာဖတ်ပြီး ပြည့်ဝခဲ့တဲ့ သမ္မတကြီးလင်ကွန်း။ ဟိုး အဝေးမှာ ကျန်ခဲ့တဲ့ ကိုယ်တို့ရွာသားတွေကို ပြချင်မြင်စေချင် လိုက်စမ်းပါဘိ။ ကိုယ်တို့ရွာသားတွေကော စာဖတ်ဖြစ်ကြရဲ့လား။ စာဖတ်ချိန်ကော ရကြရဲ့လား၊ စာဖတ်ရကောင်းမှန်းကော သိကြပါရဲ့လား။ လားပေါင်းများစွာနဲ့ အတွေးတွေဟာ သမ္မတကြီးလင်ကွန်း ငယ်စဉ်တောင်ကျေး ကလေးဘ၀ စာဖတ်နေတဲ့ရုပ်တုလေးကို ကြည့်ပြီး ပြန်အလာမှာ အမျှင်မပြတ်တွဲခို လာခဲ့ပါတယ်။

(၄)

”ကိုနေသစ်ရေ…ခများတို့ ကျွန်တော်တို့တတွေ အခုဆို စာမဖတ်ဖြစ်တော့ဘူးဗျာ၊ မြန်မာစာအုပ်တွေလည်း ဖတ်စရာမရှိ၊ အင်တာနက်မှာ ဖတ်ဖို့ကြပြန်တော့လည်း အလုပ်သွား အလုပ်ပြန် ။ ပင်ပန်းတာနဲ့ စောစောအိပ်ဆိုတော့ မဖတ်ဖြစ်တော့ဘူးဗျာ။ စာမဖတ်ဖြစ်ရင်တော့ ကျွန်တော်တို့အနာဂတ်ဟာ ရင်လေးစရာပဲဗျ”

သူငယ်ချင်းရဲ့စကားကို သူဘာမျှ ပြန်မပြောဖြစ်။ သီဟိုလ်မှာကျောင်းတဲ့နေတဲ့ သူငယ်ချင်းရဲ့ စာများများဖတ်ကွာ၊ စာဖတ်မပျက်စေနဲ့ ဆိုတဲ့ သတိပေးစကားလေးကို သတိရနေမိတယ်။ ပြီးတော့… စာဖတ်သူတွေ အကြောင်း။ စာဖတ်ခြင်းကြောင့် ဘ၀တွေ ပြောင်းလဲသွားသူတွေ အကြောင်း… ၊ ပြောမယုံ ကြုံဖူးမှသိဆိုတဲ့ စကားလေးလိုပဲ အခုတော့ ကိုယ်ကိုယ်တိုင် မြင်တွေ့လေ့လာခွင့်ရခဲ့ အမေရိကန်ပြည်သူတွေရဲ့ အာဇာနည် သမ္မတကြီးလင်ကွန်းဟာ စာဖတ်ခြင်းကြောင့် တိုးတက်ခဲ့တယ်ဆိုတာ ကိုယ်ယုံလိုက်ရပြီလေ။ ပြီးတော့ ကိုယ်တို့နိုင်ငံရဲ့ လွတ်လပ်ရေးဖခင် အာဇာနည် ဗိုလ်ချုပ်အောင်ဆန်း။ သူလည်း စာဖတ်လို့သာ ကိုယ်ကျိုးစွန့်လွတ်ရဲ့တဲ့ စိတ်တွေ၊ သတ္တိတွေ ၀င်ပြီး တိုင်းပြည်အတွက် ကယ်ခဲ့နိုင်ဟန် တူပါရဲ့။

(၅)

တကယ်တော့ ထူးချွန်ပြောင်မြောက်ခဲ့တဲ့သူတွေဆိုတာ အာဇာနည်တွေပါ။ ပါ`ဠိမှာတော့ အကြောင်းဟုတ်တာ မဟုတ်တာကို ကွဲကွဲပြားပြားသိတဲ့သူကို အာဇာနည်တဲ့။ သိတဲ့အတိုင်း ကျင့်ကြံဆောင်ရွက်ကြသူတွေကို အာဇာနည်တဲ့။ ကျန်းဂန်မှာလာတဲ့ အဖွင့်လေးပါ။ အခုဆို သမ္မတကြီးလင်ကွန်းဟာ စာဖတ်ခြင်းကြောင့် အကြောင်းအကျိုး၊ အကောင်းအဆိုးတွေကို သိခဲ့သလို သိတဲ့အတိုင်း သူ သမ္မတတာဝန်ထမ်းဆောင်ချိန်မှာ လူမျိုးရေးခွဲခြားတဲ့ ကျွန်စနစ်ကို တွန်းလှန်ပြီး ပြည်တွင်းစစ်ကိုလည်း အဆုံးသတ်ပေးနိုင်ခဲ့တဲ့ ကမ္ဘာ့စံပြအာဇာနည်ကြီး ဖြစ်သွားခဲ့ပြီလေ။ ပြီးတော့ ဗိုလ်ချုပ်အောင်ဆန်းကကော…ဗိုလ်ချုပ်လည်း သူ့နိုင်ငံသူ့လူမျိုးအတွက် ကျွန်ဘ၀က လွတ်မြောက်အောင် စွမ်းဆောင်နိုင်ခဲ့တဲ့ အာဇာနည်ကြီးအဖြစ် ဘယ်သူမှာ ဖျောက်ဖျက်လို့မရနိုင်တဲ့ သမိုင်းဝင် အာဇာနည် ဖြစ်သွား ခဲ့ပြီလေ။

သေချာတာကတော့ ဗိုလ်ချုပ်အောင်ဆန်းကော၊ သမ္မတကြီးလင်ကွန်းကော အာဇာနည်နှစ်ဦးလုံးဟာ ပေးဆပ်ခြင်းနဲ့ သမိုင်းဝင်ခဲ့ကြတာပါ။ ကိုယ့်အတွက်၊ ကိုယ့်မိသားစုအတွက်၊ ကိုယ့်အ၀န်းအ၀ိုင်းလေးအတွက် မဟုတ်ဘဲ အများအတွက်၊ တိုင်းပြည်အတွက်၊ အသက်တွေကို စတေးပေးပြီးမှ အာဇာနည် ဖြစ်ခဲ့ကြတာပါ။ ဒီလိုစတေးရဲအောင် စွန့်လွှတ်ရဲအောင် သတ္တိတွေ၊ နှလုံးသားတွေဆိုတာလည်း စာဖတ်ခြင်းကြောင့်ပဲ ရရှိခဲ့ကြတာဖြစ်ပါတယ်။ စာဖတ်ခြင်းကြောင့်ပဲ စွန့်လွှတ်ရဲတဲ့ နှလုံးသားတွေနဲ့ ဘ၀ကို အများအတွက် ပေးဆပ်သွားခဲ့ကြတာပါ။ အဲဒီလို ပေးဆပ်သွားလို့လည်း မည်သူတစ်ဦးတစ်ယောက်ကမျှ ဖျောက်ဖျက်မရတဲ့ ကမ္ဘာ့သမိုင်းဝင်၊ မြန်မာ့သမိုင်းဝင် အာဇာနည်တွေ ဖြစ်သွားခဲ့ကြတာပါ။ ပေါချောင်ကောင်းရခဲ့ကြတာ မဟုတ်ပါဘူး။ သူ့နေရာနဲ့သူ အံဝင်ခွင်ကျ နေရာပေးထားတတ်တဲ့လောကကြီးကတော့ တကယ့်ကို ရင်သပ်ရှုမောစရာပါပဲ။

သမ္မတကြီးရဲ့ ချက်မြုပ်ရာ လယ်သမားအိမ်(သစ်လုံးအိမ်)လေးဆီက ပြန်အလာမှာ စာဖတ်ခြင်းရဲ့ အကျိုးကျေးဇူးတွေ၊ အာဇာနည်ပုဂ်ဂိုလ်တွေရဲ့ ခြေရာကောက်ကြောင်းတွေနဲ့အတူ ဆရာအောင်သင်းရဲ့ ”ကိုယ်မရသင့်တာကို မယူချင်ပါနဲ့၊ ကိုယ်မရသင့်တာကို ယူလိုက်မိရင် ကိုယ်မလိုချင်တာတွေပါ လက်ခံရတတ်တယ်”ဆိုတဲ့ ဆရာကြီးဦးအောင်သင်းရဲ့ အဘိဓမ္မာလေးက ရင်ထဲကို ခပ်ပြင်းပြင်းရိုက်ခတ်ခံ လိုက်ရပါတယ်။

ဘာပဲဖြစ်ဖြစ်၊ အာဇာနည်မဖြစ်နိုင်တောင် စာဖတ်ဖြစ်အောင်တော့ ကြိုးစားဦးမှ။ ။

Comments

kyawkyawtint on July 16 2010 20:54:49
dear friend..............thank you very much . i have liked the subject you wrote. reading is the most important for everyone. if we read the books which were given knowledge, we will get a lot of knowledge from reading.

Post Comment

Please Login to Post a Comment.

Ratings

Rating is available to Members only.

Please login or register to vote.

No Ratings have been Posted.

Not a member yet?
Click here to register.

Forgotten your password?
Request a new one here.

Facebook

Shout Loudly

You must login to post a message.

TwinPoe

24-08-2010
အသစ်တွေ နည်းနည်းကျဲနေတယ်။ ချင်းတွင်းမြစ်ေ ရတွေ နည်းကုန်နေပီလား ။

naingmar

21-08-2010

NaTSoE

08-07-2010
ဒေါ်ကြီးဘုမရေ.. ကွန်ဂလက်ကျူလေးရှင်းပါ.. ပျော်ရွင်သောဘ၀ လေး ပိုင်ဆိုင်ပါေ�

DAW BU MA

06-07-2010
Thz မ ကိုးလ်..........ရေ

phokyaw

05-07-2010
အနော့်ရဲ. ကဗျာမပိစာမမီရော .... မရေခဲရဲ. လွယ်အိတ်ရော... မီးထဲပါသွားပြီေ ပါ့ ကဗ�

cold7777777

02-07-2010
Congratulation.. Daw Bu Ma.

DAW BU MA

01-07-2010
ဒေါ်ဘုမ -ph 90264517

DAW BU MA

01-07-2010
Place:6 Rafflles Boulevard Road, # 02-201 Marina Square.

DAW BU MA

01-07-2010
နှစ်ဘက်မိဘတို့ ဧ။်သဘောတူခွင့် ပြု ချက်အရ........... Inle Myanmar Restaurant တွင် 04.07.2010. ညနေ 5နာရ�

DAW BU MA

01-07-2010
ချင်းတွင်းသူငယ် ချင်းမျာအားလည်း ကျွေးမွေးဧည့် ခံလိုသောကြောင့် ဖိတ်ကြာ�

Display More Shouts